Ons glo dat ons as gemeente baie aandag moet gee aan die geestelike versorging van die kleiner kinders.  Daarom het die gemeente oor die afgelope aantal jare twee lidmate gehad wat spesiaal met die kleiner kinders gewerk het.  Hulle is nie meer in die poste nie en daarom het die Kerkraad twee van die Jeugkomitee lede aangestel wat aandag aan die werk moet gee.  Gelukkig voel beide van hulle baie ernstig oor hierdie werk en probeer hulle om aandag aan die toerusting van Sondagskool onderwyseresse te gee.

Ons bure is betrokke by Kinder Evangelisasie en help ons met skoling van die Sondagskool onderwyseresse.  Ongelukkig het kinders nie baie waarde in die oë van volwassenes wat hul geestelike lewe betref nie.  Daarom sukkel dit soms om mense te kry wat bereid is om Sondagskool te gee.